Հայաստանի հավաքականի պաշտպան Վարազդատ Հարոյանն ու հարձակվող Տիգրան Բարսեղյանը կարող են բաց թողնել հունիսի 1-ին նշանակված՝ Խորվաթիայի հետ ընկերական հանդիպումը։
Այս մասին Բարսեղյանը հայտարարել է «Ֆուտբոլ Էդգար Մանուչարյանի հետ» հաղորդման ժամանակ։
Ըստ ֆուտբոլիստի՝ խնդիրը «Աստանայի» հանդիպումներն են, որոնց պատճառով նրանք չեն հասցնի մեկնել Խորվաթիա։
Հիշեցնենք, որ մեր ընտրանին Խորվաթիայի հետ մրցելուց հետո մրցելու է նաև Շվեդիայի հավաքականի հետ՝ կրկին ընկերական։ Վերջինս նշանակված է հունիսի 5-ին։
