Goal.com-ի հաղորդմամբ՝ «Մանչեսթեր Սիթին» հետաքրքրված է «Նապոլիի» պաշտպան Կալիդու Կուլիբալիով։
«Մանչեսթեր Սիթին» 29-ամյա սենեգալցի պաշտպանի համար առաջարկել է 63 միլիոն եվրո։ Աղբյուրի հաղորդմամբ՝ «Նապոլին» ավելի մեծ գումար է ակնկալում։
Կուլիբալիով հետաքրքրված են նաև ֆրանսիական ՊՍԺ-ն ու անգլիական «Մանչեսթեր Յունայթեդն» ու «Լիվերպուլը»։
Իտալիայի ավարտված առաջնության ընթացքում պաշտպանը մասնակցել է 25 հանդիպման։ «Նապոլին» գրավել է 7-րդ տեղը։
